"કિમ કરોતી બાલાહા?" "અહમ સત્યમ શોધન્તી"

>>> લખવા માટે કાગળ અને પેન શોધાયા પણ ન હતા ત્યારથી માણસ લખે છે, વિચારે છે. માણસ એક માત્ર એવું જીવ છે જે સતત સત્ય અને અસત્ય વચ્ચે લટકતી બારીક ડોર પર હિચકયા કરે છે. રોજ ફેસબુક પર (આજના નવા) સોક્રેટિસ, એરિસ્ટોટલ, પ્લેટો, નરસૈંયો, ગાંધી, બુદ્ધ અને આદી ઇત્યાદીના દર્શન થઇ જ જાય છે. બીજું કઇં થાય કે ન થાય, (ફ્રી) ફેસબુકના કારણે "શબ્દક્રાંતી" તો થઇ જ છે, ને જબ્બર ઈગનાઇટ થઇ છે.
(પોતાનુજ) સત્ય પ્રગટ કરવાના માણસોના મરણયા પ્રયાસો મફતનું મનોરંજન પૂરું પાડે છે. સત્ય સ્વીકારવા કરતા સત્ય શોધવાની રેસ લાગી છે. અને આ રેસમાં જ કદાચ ખરું સત્ય હાંફી રહ્યું છે. સત્ય શોધવાની આગમાં ખરું સત્ય ઓગળી રહ્યું છે અને સ્મોક બનીને હવામાં અદ્રશ્ય થઇ રહ્યું છે. વક્રતાની પરાકાષ્ટા એ છે કે (કદાચ) હું પણ અત્યારે એ જ પાપ કરી રહ્યો છું!
પહેલાંની તો ખબર નથી પણ આજે મારા હોમ પ્રોડક્શન સત્ય સાથે કેટલા સહમત છે અને કેટલા નથી એનો અંદાજો (રાતોરાત) પ્રગટ કરેલા મારા સત્યની નીચે ઠોકેલી "લાઇકો" :p પરથી આવે છે. કમાલ ટેક્નોલોજી છે!!!
નાના પણ મહા ફિલોસોફી રજુ કરતા કવોટ્સ તો પાણીના પાઉચ કરતા પણ સસ્તા થયા છે અને ફેસબુક પર રોજ તરતા જોવા મળે છે. બુદ્ધિ એ 'વિઝડમ' ને સસ્તી કરી નાખી છે. Philosophy without an experience is mere words. અનુભવ વગરની ફિલોસોફી માત્ર શબ્દો જ છે. જે બીજાના પેટમાં કદાચ ઘડીક ગદગદીયા કરે. બસ.
"ફૂલોને અત્તરનું પદ પામવાને ઉકડતી કડાઈમાં ઉકડવું પડે છે અને થવા બાંસુરી વાંસના ટુકડાને આખાય શરીરે વીંધાવું પડે છે"
વહેલી સવારે બસમાં બેસી મોબાઇલની સ્ક્રીન પર ગુજરાતીમાં લીસોટા કરવા થોડુંક કઠણ કામ છે. માટે વધુ આવતા અંકે.
#IK ©

Comments

Popular posts from this blog

હાય-વે ડાયરી.